समाचार

पोखरा, ७ मंसिर/ कास्कीमा भूकम्पको धक्का महसुश भएको छ । कास्की र मनाङ जिल्लाको सीमा क्षेत्रमा भूकम्प गएको हो । दुई जिल्लाको सीमा क्षेत्रमा पर्ने अन्नपूर्ण हिमाल दोस्रोमा भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । अन्नपूर्णा दोस्रो क्षेत्रमा आज बिहान १० बजेर १३ मिनेट जाँदा ४ दशमलव २ म्याग्निच्युडको भूकम्प गएको हो । कामकाजको बेला भएका कारण धेरैले भूकम्प गएको थाहा भने पाएनन् । पुरा पढौ

पोखरा, ५ मंसिर/ हरित यातायात प्रणाली विकास परियोजनाको पाइलोटिङ् स्वरूप पहिलो चरणमा पोखराको लामाचौर–छोरेपाटन रुटमा प्रविधि जडान गरिने भएको छ। यस रुटमा ६ स्थानमा प्रविधि सहितको बसस्टप निर्माण र ४२ वटा बसहरूमा जिपिएस ट्रयाकिङ प्रविधि जडान गरिने छ। जसका लागि आवश्यक सामाग्रीहरू डिसेम्बर २० भित्र काठमाडौँ आइपुग्ने र त्यसलाई पोखरासम्म ल्याईपुर्याउनका लागि महानगरपालिकाले आवश्यक सहजीकरण गर्नेछ। तोकिएका बसस्टपहरुमा इन्टरनेट र बिजुलीबत्तिको व्यवस्थापन महानगरपालिका आफैले गर्नेछ। पहिलो चरणमा १८ करोड बराबरको सामाग्रीहरू कोरियाले उपलब्ध गराउनेछ। यसको पाइलोटिङ्संगै आगामी दुई वर्ष भित्र… पुरा पढौ

पोखरा, ५ मंसिर/ पोखरा २५ हेम्जाको सापकोटाचोक नजिकै दुर्घटना हुदाँ लोकदोहोरी गायक किरण अधिकारीको मृत्यु भएको छ । सोमबार राती २ बजेतिर स्कुटर दुर्घटनामा परी कास्की नौडाँडाका २७ वर्षीय किरण अधिकारीको घटनास्थलमै मृत्यु भएको हो । चिप्लेढुंगाको गाउँशहर दोहोरी साँझमा गीत गाउँदै आएका किरण ड्युटी सकिएपछि साथीलाई छाड्न हेम्जा गएका थिए । साथीलाई मिलनचोकमा छाडेर फर्कदैं गर्दा मोडमा आइपुग्दा सिधै फलामेबारतिर ठोक्किन पुगेका थिए । स्थानीयका अनुसार घुम्तीनेरको सडक छेउको फलामे बारमा ठोक्किएर अधिकारीको टाउको फुटेको थियो । मध्यराति सडकबाट… पुरा पढौ

काठमाडौं, ४ मंसिर/ मेडिकल व्यवसायी दुर्गा प्रसाईंले किर्ते कागजात देखाएर प्रधानमन्त्री केपी शर्मा ओलीमाथि गम्भीर आरोप लगाएको भन्दै प्रहरीले पक्राउ गरेको छ । प्रसाईंलाई भक्तपुरस्थित घरबाट पक्राउ गरेर लाजिम्पाटस्थित सीआईबीमा राखीएको छ । प्रधानमन्त्री केपी शर्मा ओलीको कम्बोडियास्थित स्मार्ट एक्जिएटा टेलिकम कम्पनीमा लगानी रहेको भ्रम फिंजाउँदै प्रसाईंले सोमबार केही कागजात सार्वजनिक गरेका थिए । ती विवरणहरु सामाजिक सञ्जालमा भाइरल भएका थिए । केन्द्रीय अनुसन्धान ब्यूरो (सीआईबी) ले प्रारम्भिक जाँचका क्रममा सार्वजनिक गरेका सबै कागजात किर्ते रहेको देखिएको जनाएको छ ।… पुरा पढौ

पोखरा, ४ मंसिर/ गण्डकी प्रदेश सरकारका सामाजिक विकास, युवा तथा खेलकुद मन्त्री विन्दु कुमार थापाले व्यवसायिक सीप रोजगारी र आत्मनिर्भरता तर्फको कदम भएको बताएका छन् । सोमबारबाट व्यावसायिक तथा सीप विकास तालिम केन्द्र पोखराद्वारा आयोजित ३ महिने सीपमुलक तालिमको उद्घाटन कार्यक्रमलाई सम्बोधन गर्दै उनले व्यवसायिक सीपले व्यक्तिलाई रोजगारीमा प्रतिस्पर्धी बनाउन योगदान दिने बताए । “आत्मनिर्भर जीवनशैलीको लागि सीपको आवश्यकता छ । दक्ष जनशक्ति उत्पादनका लागि प्रदेश सरकारले सोहि बमोजिम लगानी गरिरहेको छ ।”, उनले भने । मन्त्री थापाले काम गरेर… पुरा पढौ

पोखरा, ३ मंसिर/ घरबाट स्कुल हिँडेका पोखरा ३२ तल्लो गगनगौंडा खुदीका १७ वर्षे बालक ६ दिनदेखि बेपत्ता छन् । राजाको चौतारामा रहेको व्रह्मरुपा माविको कक्षा ७ मा अध्ययनरत रविन परियार कात्तिक २८ गतेबाट हराएका हुन् । साथीभाइ, आफन्त र चिनजानकाहरुको घरमा समेत नभेटिएपछि परिवार छोराको खोजीमा भौंतारिएका छन् । कात्तिक २८ गते बिहान खानाखाएर स्कुलको ड्रेस लगाएर झोला बोकेर उनी घरबाट निस्केका थिए । स्कुल र घरबीचको दुरी २ किलोमिटर पनि छैन । घरबाट निस्केका रविनले नजिकै साथीकोमा गएर ड्रेसको… पुरा पढौ

पोखरा, ३ मंसिर/ गण्डकी प्रदेश सरकारका भौतिक पूर्वाधार विकास तथा यातायात व्यवस्था मन्त्री प्रकाशबहादुर केसीले बागलुङमा सञ्चालित योजनाहरुको निरीक्षण गरेका छन् । मन्त्री केसीसहित मन्त्रालयको टोलीले शुक्रबार र शनिबार बागलुङका चार वटा योजनाको निरीक्षण गरेको हो । टोलीले शुक्रबार गल्कोट–हरिचौर–हिल्ल्तार–म्याग्दी सडक, शनिबार बुर्तिबाङ–तमानखोला–लमेला सडक र गाडीखोला– ढोरपाटन सडकसँगै चक्ती खोलामा बनेको पुलको निरीक्षण गरेको हो । गल्कोट–हरिचौर–म्याग्दी १०.८९४ किलोमिटर सडक स्तरोन्नतीका लागि २०७६ साल कात्तिक २७ मा २८ करोड १५ लाख ७ हजारमा एमएस एपेक्स खड्का कृष्ण जेशीसँग सम्झौता भएको… पुरा पढौ

पोखरा, ३ मंसिर/ राष्ट्रिय दलित आयोगको प्रतिवेदन गण्डकीका प्रदेश प्रमुख डिल्लीराज भट्टसमक्ष पेश गरिएको छ । आयोगका सदस्य एवं प्रवक्ता सुन्दुर पुर्कुटीले आइतबार एक कार्यक्रमका बीच प्रदेश प्रमुख भट्टलाई आयोगको चौथो वार्षिक प्रतिवेदन पेश गरिएको हो । नेपालको संविधानको धारा २९४ को उपधारा ९३० बमोजिम आर्थिक वर्ष ०८०/८१ को प्रतिवेदन पेश भएको हो । प्रतिवेदन बुझ्नुहुँदै प्रदेश प्रमुख भट्टले जातीय समस्यालाई ती समुदायको मात्र समस्याको रूपमा नलिई साझा समस्याका रूपमा लिनुपर्ने बताउनुभयो । दलित समुदायको हक, अधिकार र समानताका लागि… पुरा पढौ

पोखरा, १ मंसिर/ गण्डकी प्रदेशकी सांसद विमला गौचनको शवमा माल्यार्पण तथा श्रद्धाञ्जली अर्पण गर्दै गण्डकी प्रदेश सभामा अन्तिम बिदाइ गरिएको छ । गत २८ गते ग्राण्डी अस्पतालमा ह्दय घातका कारण निधन भएकी गौचनको शव गण्डकी प्रदेश प्रांगणमा राखिएको थियो । गण्डकी प्रदेश सभा सचिवालयले उनको श्रद्धाञ्जली कार्यक्रम राखेको हो । उनको अन्तिम बिदाइमा मुख्यमन्त्री, मन्त्री, सांसद, सर्वसाधारण र आफन्तले श्रद्धाञ्जली दिए । गण्डकी प्रदेश सरकारका मुख्यमन्त्री सुरेन्द्रराज पाण्डे र प्रदेशसभाका उपसभामुख वीनाकुमारी थापाले पोखराको नदीपुरस्थित प्रदेशसभा प्राङ्गणमा गौचनको पार्थिव शरीरमा… पुरा पढौ

पोखरा, ३० कात्तिक/ राष्ट्रिय स्वतन्त्र पार्टीका सभापति रवि लामिछानेलाई रुपन्देहीमा बयान गराएर जिल्ला प्रहरी कार्यालय कास्की लैजाँदै गर्दा नाराबाजी गर्ने ५ जना पक्राउ परेका छन् । रविलाई प्रहरी कार्यालय लैजाँदै गर्दा कार्यालय बाहिर नाराबाजी गर्न लागेका ५ जना रास्वपा कार्यकर्ता पक्राउ परेका हुन् । निषेधित क्षेत्रमा नाराबाजी लागिएपछि उनीहरुलाई पक्राउ गरिएको कास्की प्रहरी प्रवक्ता वसन्तकुमार शर्माले जानकारी दिए । प्रशासनले प्रहरी कर्यालय रहेको गैह्रापाटन क्षेत्र र सहिदचोक आसपासको क्षेत्रलाई निषेधित क्षेत्र तोकेको छ । बुटवलको सुप्रिम सहकारी ठगी प्रकरणमा बयान… पुरा पढौ