समाचार

पोखरा, २७ असार/ श्रीपती समाज सेवा पुरस्कार मानव सेवामा समर्पित मानव सेवा आश्रमलाई प्रदान गरिने भएको छ । श्रीपति कोइराला गुठीको २१९ औं जन्मजयन्तीको अवसरमा शनिबार पोखरामा आयोजित कार्यक्रममा श्रीपती कोइराला गुठीद्वारा सञ्चालित श्रीपती समाज सेवा पुरस्कार २०८२ सो आश्रमलाई अर्पण गर्न लागिएको जानकारी दिइएको हो । पुरस्कारको राशी नगद २ लाख २२ हजार २ सय २२ रुपैयाँसहित सम्मान पत्र र पदक रहेको गुठीका अध्यक्ष फणिन्द्रराज कोइरालाले जानकारी दिए । छनौट समितिको सिफारिसमा मानव सेवामा समर्पित सो आश्रमलाई पुरस्कार प्रदान… पुरा पढौ

पोखरा, २६ असार/ पोखराको सेदीमा घर भाडामा लिएर अवैध रूपमा अनलाइन सट्टेबाजी गराउने ८ जनालाई प्रहरीले पक्राउ गरेको छ । गोप्य सूचनाका आधारमा खटिएको संयुक्त प्रहरी टोलीले स्थानीय जीवन श्रेष्ठको घरमा छापा मारेको थियो । सफ्टवेयरको काम गर्ने भन्दै ७ वटा कोठा भाडामा लिएर उनीहरूले अनलाइन गेम र सट्टेबाजी (बेटिङ) गराइरहेका थिए । गण्डकी प्रदेश प्रहरी कार्यालय, जिल्ला प्रहरी कार्यालय कास्की र वडा प्रहरी कार्यालय बैदामको टोलीले उनीहरूलाई रंगेहात समातेको हो । प्रहरीले बरामद गरेका ३ वटा कम्प्युटरका सिटहरूमा ठूलो… पुरा पढौ

पोखरा, २५ असार/ गण्डकी प्रदेशले गाँजा खेतीलाई वैधानिकता पाएको छ । प्रदेश सभाले औषधिजन्य तथा औद्योगिक प्रयोजनका लागि गाँजा खेती गर्ने विधेयक बिहीबार सर्वसम्मत पारित गरेपछि प्रदेशमा गाँजा खेती गर्ने बाटो खुलेको हो । सरकारले संसद्मा दर्ता गराएको मूल विधेयकलाई प्रदेश सभाको अर्थ तथा विकास समितिले लामो छलफल र परिमार्जन सहित संशोधन प्रतिवेदन सभामा पेस गरेको थियो । सोही संशोधनसहितको विधेयक बिहीबारको बैठकबाट पारित भएको हो । अब सरकारी संयन्त्रमा कम्पनी दर्ता गरी खेतीको अनुमति लिन सकिने छ । यसका… पुरा पढौ

पोखरा, २४ असार/ पोखरा महानगरपालिकाभित्रको सबैभन्दा ठूलो जलविद्युत परियोजनाबाट उत्पादित विजुली राष्ट्रिय प्रशारण लाईनमा जोडिएको छ । पोखरा ३३ मुसेटुँडास्थित सेतीखोला हाईड्रोपावर लिमिटेडको २२ मेगावाट जलविद्युत परियोजनाले सोमबारदेखि उत्पादन शुरु गरेको हो । सोमबार नेपाल विद्युत प्राधिकरणका प्राविधिकले अनुगमन र नियमनसँगै मिटरमा शिलबन्दी गरेपछि उत्पादन शुरु गरिएको हो । परियोजनाको औपचारिक उदघाटन भने आगामी शुक्रबार गरिने लिमिटेडले जनाएको छ । गत मंसिरमा सम्पन्न गर्ने योजनासहित काम अघि बढेपनि केही प्राविधिक कारणले विद्युत उत्पादनमा ढिलाई भएको कम्पनीले जनाएको छ । टावर… पुरा पढौ

पोखरा, २२ असार/ जिल्ला अनुगमन समिति, कास्कीको टोलीले अन्नपूर्ण गाउँपालिका–२ ढिकुरपोखरीस्थित हाम्रो भण्डारी रेष्टुरेण्ट एण्ड खाजाघरलाई ५० हजार रुपैयाँ जरिवाना गरिएको छ। टोलीले अनुगमन गर्दा सरसफाइमा नभएको, मूल्यसूची नराखिएको, नापतौलका सामग्री नवीकरण नगरेको, जथाभावी फोहोर फालेको पाइएपछि जरिवाना गरिएको कास्कीका सहायक प्रमुख जिल्ला अधिकारी चित्राङ्गत बरालले जानकारी दिए । भूपि शेरचन राजमार्गअन्तर्गत अन्नपूर्ण–२, ढिकुरपोखरीमा रहेको रेष्टुरेण्टमा खाना तथा खाजा खानेहरुको भीड लाग्ने गरेको भएता पनि सरसफाइ नभएकाले कारबाही गर्नुपरेको बरालले बताए । रेष्टुरेन्टका संचालक मनहरि भण्डारीलाई एक हप्ताभित्र व्यवसायसम्बन्धी सम्पूर्ण… पुरा पढौ

पोखरा, १९ असार/ जिल्ला प्रशासन कार्यालय कास्कीले पोखरा महानगरपालिका क्षेत्रमा सञ्चालन बजार अनुगमनका क्रममा विभिन्न होटल, रेष्टुरेन्ट, चमेना गृह, किराना तथा खाद्य पसल गरी ११ वटा व्यवसायलाई कारबाही गरेको छ। अनुगमनका क्रममा खाद्य गुणस्तर, सरसफाइ, मूल्यसूची, व्यवसाय दर्ता तथा नवीकरण, लेबलिङ र म्याद गुज्रिएका सामग्री बिक्रीजस्ता विषयमा अनियमितता भेटिएपछि कारबाही गरिएको हो। असार १५ गते देखि १९ गतेसम्म पोखरा महानगरपालिकाका उपप्रमुख, स्थानीय जनप्रतिनिधि, खाद्य प्रविधि तथा गुण नियन्त्रण कार्यालय, एकीकृत सेवा कार्यालय, जिल्ला प्रहरी कार्यालय, राष्ट्रिय उपभोक्ता मञ्च लगायतका प्रतिनिधि… पुरा पढौ

पोखरा, १९ असार/ पोखरा–१७, घारीपाटनस्थित जेनिसा केमिकल उद्योगलाई ५० हजार रुपैयाँ जरिवाना गरिएको छ । उपभोक्ताको स्वास्थ्यमाथि गम्भीर असर पार्ने केमिकल प्रयोग गरी ‘घीउ’ भनी बजारमा बिक्री गर्दै आएको पाइएपछि ५० हजार रुपैयाँ जरिवाना गरिएको हो । बिहीबार जिल्ला अनुगमन समिति, कास्कीले उद्योगमा अनुगमन गरेको थियो । अनुगमन टोलीले उद्योगमा रहेका घीउजस्तो तीन÷चार कार्टुन फ्लेवरका डब्बाहरु नष्टसमेत गरेको कास्कीका सहायक प्रमुख जिल्ला अधिकारी चित्राङ्गत बरालले जानकारी दिए । उक्त उद्योगलाई तत्काल बिक्री वितरणमा रोक लगाउँदै उद्योग सञ्चालक रेशम सुबेदीलाई ७… पुरा पढौ

पोखरा, १९ असार/ कास्की प्रहरीले छुट्टाछुट्टै चार स्थानमा सञ्चालन गरेको लागुऔषध नियन्त्रण अभियानका क्रममा ब्राउन सुगर सहित ६ जनालाई पक्राउ गरेको छ। पक्राउ परेकालाई जिल्ला अदालत कास्कीबाट म्याद थप गरी अनुसन्धान अघि बढाइएको प्रहरीले जनाएको छ। पहिलो घटनामा, असार १७ गते साँझ पोखरा महानगरपालिका–१० उत्तमचोक क्षेत्रमा लागुऔषध कारोबार भइरहेको गोप्य सूचनाका आधारमा जिल्ला प्रहरी कार्यालय कास्की, लागूऔषध नियन्त्रण ब्युरो शाखा कार्यालय पोखरा र वडा प्रहरी कार्यालय रामबजारको संयुक्त टोलीले छापा मारेको थियो। सो क्रममा पोखरा–१० घर भई पोखरा–१५ मा रहेको… पुरा पढौ

पोखरा, १७ असार/ जिल्ला ट्राफिक प्रहरी कार्यालय कास्कीले सडक दुर्घटना न्यूनीकरण तथा ट्राफिक नियमको प्रभावकारी कार्यान्वयन गर्ने उद्देश्यले पोखराको अमरसिंह चोकस्थित पृथ्वी राजमार्ग सडकखण्डमा आकस्मिक ट्राफिक चेकिङ सञ्चालन गरेको छ। चेकिङका क्रममा गलत लेन (रङ साइड) प्रयोग गरी सवारी चलाइरहेका १२० जना चालकलाई प्रचलित ट्राफिक नियम अनुसार कारबाही गरिएको जिल्ला ट्राफिक प्रहरी कार्यालय कास्कीले जनाएको छ। ट्राफिक प्रहरीले लेन अनुशासनको पालना नगर्दा दुर्घटनाको जोखिम बढ्ने भएकाले सबै चालकलाई तोकिएको लेनमै सवारी सञ्चालन गर्न आग्रह गरेको छ। साथै, यस्ता आकस्मिक ट्राफिक… पुरा पढौ

पोखरा, १६ असार/ जिल्ला ट्राफिक प्रहरी कार्यालय कास्कीले मंगलबार सञ्चालन गरेको पोखरामा विशेष ट्राफिक चेकिङ अभियानमा गलत साइडबाट सवारी चलाउने ५६ जना चालकलाई कारबाही गरेको छ। बढ्दो सवारी चापका बीच गलत लेन तथा गलत साइड प्रयोग गर्ने प्रवृत्तिलाई नियन्त्रण गरी सडक सुरक्षा कायम गर्ने उद्देश्यले विशेष चेकिङ सञ्चालन गरिएको ट्राफिक प्रहरीले जनाएको छ। ट्राफिक प्रहरीले चालकहरूलाई ट्राफिक नियमको पूर्ण पालना गर्न, सही लेन प्रयोग गर्न तथा आफ्नो र अरूको सुरक्षालाई ध्यानमा राखेर सवारी सञ्चालन गर्न आग्रह गरेको छ। गलत साइडबाट… पुरा पढौ