चालक सहित म्याग्दीको खहरेखोलामा ट्याक्सी खस्यो
पोखरा, २२ मंसिर/ चालक सहित म्याग्दीको मङ्गला गाउँपालिका–२ रणवाङ्गको खहरेखोलामा ट्याक्सी खसेको छ ।
बेनी–दरवाङ सडकको रणवाङदेखि बाबियाचौरतर्फ जादै गरेको ध १ ज ९९० नम्बरको ट्याक्सी सडकबाट म्याग्दी नदीमा खसेर दुर्घटनाग्रस्त हुँदा चालक मृत भेटिएका छन् ।
ट्याक्सीका चालक रणवाङका ३७ वर्षीय सुजन सेन सव म्याग्दी नदीको किनारमा भेटिएको जिल्ला प्रहरी कार्यालयले जानकारी दिएको छ ।
चलक सहित ट्याक्सी खहरेखोलामा खसेको खबर पाउनासाथ शसस्त्र प्रहरीको नारच्याङमा रहेको विपद् व्यवस्थापन बेस क्याम्पबाट आएको गोताखोरको टोलीले नदीभित्र डुबेको ट्याक्सी भेट्टाएका थिए ।
सडकबाट उछिट्टिएर करिब एक सय ५० मिटर तल नदीमा पुगेको ट्याक्सीका चालकको शव किनारमा भेटिएको थियो भने, सिसा र केही पाटपुर्जा पाखोमा थिए ।
