पोखरा स्वास्थ्य विज्ञान प्रतिष्ठानका ४३ जना दीक्षान्त, देखीने गरी परिर्वतन भएको -प्रधानमन्त्री ओली

-


     क्लिक गण्डकी     
     माघ ३ गते २०८१ मा प्रकाशित


पोखरा स्वास्थ्य विज्ञान प्रतिष्ठानका ४३ जना दीक्षान्त, देखीने गरी परिर्वतन भएको प्रधानमन्त्री ओली

पोखरा स्वास्थ्य विज्ञान प्रतिष्ठानका ४३ जना दीक्षान्त, देखीने गरी परिर्वतन भएको प्रधानमन्त्री ओली

पोखरा, ३ माघ/ पोखरा स्वास्थ्य विज्ञान प्रतिष्ठानको प्रथम दीक्षान्त समारोहबाट ४३ जना दिक्षीत भएका छन् । प्रतिष्ठानका कुलपति एवं प्रधानमन्त्री केपी शर्मा ओलीले दीक्षान्त समारोहमा ‘डक्टर अफ मेडिसिन/मास्टर अफ सर्जरी’ (एमडी÷एमएस) प्रथम र दोस्रो ब्याचका ४३ जना विद्यार्थी दीक्षित गरे ।

पोखरा स्वास्थ्य विज्ञान प्रतिष्ठानको प्रथम दीक्षान्त समारोहबाट ४३ जना दीक्षित भएका छन् । मेडिकल विज्ञान संकाय पोस्टग्राजुएट प्रथम र दोस्रो व्याचका क्रमश १७ र २६ विद्यार्थी दीक्षित भएका हुन् । उनीहरुलाई प्रतिष्ठानका कुलपति एवं प्रधानमन्त्री केपी शर्मा ओलीले दीक्षान्त गरे । प्रतिष्ठानले २०७६ फागुनवाट शैक्षिक कार्यक्रम सुरु गरेको थियो ।

प्रधानमन्त्री ओलीले शिक्षा र स्वास्थ्य क्षेत्रलाई अझ आधुनिक र उन्नत बनाउन सरकार प्रयासरत रहेको बताए । ओलीले मुलुकमा अनेक क्षेत्रमा परिवर्तन र प्रगति हासिल हुँदै गएकाले ऋषिमुनीहरुले भन्दै आएको सर्वे भवन्तु सुखिनः को आधुनिक रूप समृद्ध नेपाल, सुखी नेपालीको गन्तव्यलाई ध्यानमा राखेर आफूहरु काम गरिरहेको स्पष्ट गरे ।

उनले व्यवस्था परिवर्तन भयो, अवस्था परिवर्तन भएन भन्नेहरूलाई प्रतिष्ठानको स्थापना र पोखरामै रहेर जनशक्ति उत्पादन हुनु एक दृष्टान्त भएकाले पोखरामा १४ जना बिरामीको मिर्गौला प्रत्यारोपण हुनु विशेष उपलब्धिको विषय भएको बताए ।

दिक्षान्त समारोहमा स्वास्थ्य तथा जनसंख्या मन्त्री प्रदिप पौडेलले नेपालमा निकै दुर्लभ पक्षघातको उपचारमा प्रयोग हुने निकै महँगो औषधी निःशुल्क उपलब्ध गराउने निर्णय गरेको बताए । हरेक वर्ष झण्डै आठ सय जनाको ज्यान गैरहेको पक्षघातको उपचार गरी जीवनरक्षा गर्न अमेरिकी सहयोगमा प्राप्त औषधी संघीय तथा प्रदेश अस्पतालमार्फत निःशुल्क वितरण गरिने मन्त्री पौडेलले बताए । उनले नेपालमा मै अवसर रहेका कारण पढाइ पुरा गरेका विद्यार्थीलाई नेपालमा नै काम गर्न सुझाब दिए ।

पोखरामा स्वास्थ्य विज्ञान प्रतिठानले स्नातकोत्तर तहमा शल्यचिकित्सा, मेडिसिन, बालस्वास्थ्य, स्त्री तथा प्रसूतिरोग, हाडजोर्नी र एनेस्थेसिया गरी ६ विधाका १७ विद्यार्थीबाट पढाइ सुरु गरेको थियो । कार्यक्रममा कुलपति ओलीले उत्कृष्ट विद्यार्थीहरू अरविनदकुमार शाह (अर्थोपेडिक्स) र आषिश सापकोटा (जनरल सर्जरी) लाई उपकुलपति पदक प्रदान गरे । पदका पाइसके पछि उनीहरुले नेपालमा नै बसेर सेवा गर्ने बताए ।

कार्यक्रमका प्रमुख अथिति कारोलिनस्का इन्स्टिच्युट स्टकहोम, स्वीडेनका प्रा माग्नुस वेस्ग्रेनले दीक्षान्तले विद्यार्थीलाई शुभकामना दिदै रिर्सचमा लाग्न सुझाब दिए । प्रधान मन्त्री ओलीले प्रतिष्ठानको आकस्मिक तथा प्राज्ञिक भवनको उद्घाटन गरे ।

१७ करोड लागतमा निर्माण भएको यो भवनको तल्लो तलामा इमरजेन्सी उपचार हुनेछ भने माथिल्लो तलामा एमबीबीएस पढाइ हुनेछ । प्रतिष्ठानका उपकुलपति प्रा डा डुकबहादुर क्षेत्रीले सेवा विस्तारका क्रममा अस्पताललाई ५० शययाको आकस्मिक विभाग सञ्चालनको तयारी भएको जानकारी दिए ।



Tags: ,