दुर्घटना
पोखरा, २७ मंसिर/ पोखरामा बुधबार राति सवारी दुर्घटना हुँदा एक युवकको मृत्यु भएको छ । मृत्यु हुनेमा धरान उपमहानगरपालिका वडा नम्बर २० घर भई हाल पोखरा महानगरपालिका वडा नम्बर ११ फूलबारी बस्ने ३१ वर्षीय प्रदीप राई रहेका छन् ।
दुर्घटनामा गम्भीर घाइते भएका उनको गण्डकी मेडिकल कलेजमा उपचारको क्रममा मृत्यु भएको प्रहरीले जानकारी दिएको छ ।
पोखरा महानगरपालिका वडा नम्बर ८ नागढुङ्गास्थित सडकमा ग१ख ३७५४ नम्बरको बसले र बा प्र०४४ प ८७२३ नम्बरको स्कुटरलाई ठक्कर दिँदा दुर्घटना भएको हो । बस चालकलाई नियन्त्रणमा लिएर अनुसन्धान गरिरहेको प्रहरीले जनाएको छ ।
