असिना पानी
पोखरा, २१ कात्तिक/अन्नपूर्ण–६, लुम्लेको धानवालीमा सोमबार परेको असिनाले क्षति पु¥याएको छ । असिनाले त्यस क्षेत्रको पात्लेखेत, सीम, विरौटा, मुडी विसाउना, ठूलाखेत, चित्रे घुम्ती, सेरा लगायतका ठाउँमा भित्र्याउने बेला भएका धानवालीमा क्षति भएको कृषकहरुले बताएका छन् ।
किसानले त्यस क्षेत्रमा काठे, रातो, खमल लगायत जातका धान लगाएका छन् । करिव ७० प्रतिशत धान झरेको कृषकहरु बताउ छन् । असिनाले तरकारी वालीमा समेत असर गरेको छ । साग, मुला, धनियाँ, काउली, बन्दा लगायतका अधिकाशं तरकारीमा क्षति पुगेको छ । वडा नम्बर ४ सल्यान र ५ नम्बरको झोवाङमा असिनाले धान झारेको छ ।
असिना प्रभावित क्षेत्रमा अन्नपूर्ण गाउँपालिकाकी उपाध्यक्ष चन्द्रकला देवकोटा अधिकारीको नेतृत्वमा जनप्रतिनिधि र प्राविधिक कर्मचारीले अवलोकन गरेका छन् ।
