सराङकोटबाट पोखरा आउदै गरेको जिप दुर्घटना, एकको अवस्था गम्भिर तस्बिरः बलराम तिमिल्सिना
पोखरा, १० माघ/ पोखरामा जिप दुर्घटना हुदाँ घाइते भएका जिप चालकको मृत्यु भएको छ ।
सराङकोटबाट पोखरा आउँदै गरेको ग ३ च २६०३ नम्बरको जिप पोखरा १८ चिसाखोलामा दुर्घटना हुँदा घाइते भएका जिप चालक ४९ बर्षिय कृष्णबहादुर थापाको मृत्यु भएको हो ।
उनको उपचारको क्रममा मणिपाल अस्पतालमा मृत्यु भएको प्रहरीले जनाएको छ । घाइते २ जनाको मणिपाल अस्पतालमा उपचार भैरहेको छ ।
जिपमा सवार ७० वर्षकी चन्द्रकला थापा, र ६९ वर्षकी हिमकला थापा उपचाररत छन् । सराङकोटबाट दुध लिएर पोखरा आउदै गरेको जिप दुर्घटनामा परेको थियो । जिप सडकबाट करिब २० मिटर तल रुखमा गएर अड्कीएको थियो ।
