होटल सदन
पोखरा, १९ कात्तिक/ पोखराको लेकसाइडमा रहेको होटल सदनले भूकम्प पिडितलाई सहयोग गर्ने भएको छ ।
होटलमा रहेको कोठा विक्रिबाट दुई दिनसम्म हरेक कोठाबाट २५० रुपैंयाका दरले हुन आउने रकम एकमुष्ठ सहयोग गर्ने होटल सदनका सञ्चालक विश्वदर्शन पराजुलीले जानकारी दिए ।
जाजरकोट र पश्चिम रुकुममा गएको भुकम्पबाट भएको मानवीय तथा क्षतिमा केही न केही सहयोग गर्ने उद्देश्यले घोषणा गरेको बताए ।
होटलमा भएका २० कोठामध्ये शनिबार र आइतबार दुई दिन विक्री हुने हरेक कोठाबाट प्रतिकोठा २५० का दरले प्रधानमन्त्री दैवी प्रकोप राहत कोषमा दाखिला हुने उनले बताए ।
कर्णाली प्रदेशको जाजरकोट जिल्ला केन्द्रबिन्दु बताएर कार्तिक १७ गते राती ११ बजेर ४७ मिनेटमा भूकम्प गएको थियो ।
