वन विज्ञान अध्ययन संस्थान पोखरा स्ववियु सभापतिमा अनेरास्ववियुका कार्की विजयी
पोखरा, १३ चैत/ वन विज्ञान अध्ययन संस्थान पोखरा क्याम्पसमा स्वतन्त्र विद्यार्थी युनियनको सभापतिमा अनेरास्ववियु समिर कार्की विजयी भएका छन् । उनले नेविसंघका मुबारक अलि गद्दीलाई १ सय ५९ मतले पछि पार्दै विजयी भए । कार्कीले २९५ र मुबरकले १ सय ३६ मत प्राप्त गरे ।
स्ववियु निर्वाचनका लागि एमालेनिकट अनेरास्ववियु र माओवादी केन्द्रनिकट अखिल (क्रान्तिकारी) ले गठबन्धन गरेर चुनावी मैदानमा उत्रिएका थिए । कार्कीको प्यानल नै बिजयी भएको छ । सचिबमा अखिल क्रान्तिकारीका धिराजन परियार बिजयी भएका छन् । उनले नेविसंघका किर्तन पण्डितलाई १ सय २८ मतले हराए । परियारले २ सय ७७ मत प्राप्त गर्दा पण्डिले १ सय २९ मत प्राप्त गरे ।
कोषाध्यक्षमा अनेरास्ववियुका सुस्मिता कोइरालाले २ सय ८२ मत प्राप्त गर्दा नेविसंघकि कीर्ति कँडेलले १ सय ४७ मत प्राप्त गरीन् । सदस्यहरुमा महादेव सिह कुश्वाहले २ सय ९०, अनिशा आचार्य २ सय ८४, दिपा कार्की २ सय ८२, गरिमा गुरुङ २ सय ८७ र लोकराज थापाले २ सय ७८ मत प्राप्त गर्दै बिजयी भए । सदस्यमा ३ जना अनेरास्ववियुका हुन् भने दुई जना अखिल (क्रान्तिकारी) का हुन् ।
उक्त क्याम्पसमा चैत ५ गते स्ववियु निर्वाचनको मिति तोकिएपनि स्ववियु निर्वाचन कार्यालयमा तालाबन्दीका कारण निर्वाचन हुन सकेको थिएन । क्याम्पसका विद्यार्थी संगठनबिच ताला खोल्ने सहमति भएसँगै चुनाव भएको हो ।
