गोरखामा ट्रक दुर्घटना, एक जनाको मृत्यु, ७ जना घाइते
गोरखा, २९ फागुन/ गोरखाको बिसौनी मोडमा दुध बोक्ने ट्रक दुर्घटना हुदाँ एक जनाको मृत्यु भएको छ भने ७ जना घाईते भएका छन् ।
गोरखा बसपार्कबाट हरमटारीचोक तर्फ जाँदै गरेको प्रदेश न३०१००३क ६१७० नम्बरको ट्रक अनियनिन्त्र भई दुर्घटना भएको जिल्ला प्रहरी कार्यालय गोरखाका प्रवक्ता प्रहरी नायव उपरीक्षक लिलाराज लामिछाने बताए ।
ट्रक अनियन्त्रित हुँदा बिपरित दिशा तर्फ आईरहेको मोटर साईकल चालक र बिसौनीमोडमा चटपट खाईरहेका एक व्यक्ति सहित ७ घाईते भएका छन् ।
घाइतेको गोरखा अस्पतालमा उपचार भईरहेको उनले बताए । मृतको सनाखत हुन नसकेको उनले बताए ।
