पोखरामा दुई यात्रुवहाक सवारी ठोक्किँए
पोखरा, २ साउन/ पोखरामा आइतबार दिऊसो दुई यात्रुवाहक सवारी ठोक्किँदा १७ जना घाइते भएका छन् ।
पोखराको ड्यामसाइडमा राष्ट्रबैंकचोकबाट विरौटातर्फ जाँदै गरेको ग१ख ३७९० नम्वरको नगर बस र विपरित दिशाबाट आइरहेको ग१ज ३४१७ नम्वरको मिनी माइक्रो ठोक्किँदा १७ जना घाइते भएको प्रहरीले जानकारी दिएको छ ।
दुर्घटनाका घाइतेहरुमध्य गण्डकी मेडिकल कलेजमा १२ जना र नमस्ते हस्पिटलमा ५ जनाको उपचार भएको छ । उनीहरुमध्ये १२ जना मध्यम र ५ जनाको अवस्था सामान्य रहेको छ ।
बसले आफ्नो लेन क्रस गरेर मिनी माइक्रोलाई ठक्कर दिएको प्रहरीको भनाई छ ।
