दुर्घटना
तनहुँ, १४ असार/ पृथ्वी राजमार्गको तनहुँको देउरालीमा बलेरो र मोटरसाइकल ठोक्किँदा एक जनाको मृत्यु भएको छ ।
डुम्रेबाट दमौलीतर्फ गएको बा ४३ प ३०२० नम्बरको मोटरसाइकललाई विपरीत दिशाबाट जाँदै गरेको ग ३ च ४१८२ नम्बरको बलेरोले ठक्कर दिँदा दुर्घटना भएको हो ।
मृत्यु हुनेमा नामथर वतन नखुलेका मोटरसाइकल चालक अन्दाजी २६/२७ वर्षका पुरुष रहेको जिल्ला प्रहरी कार्यालय तनहुँले जनाएको छ ।
दुर्घटनामा परि मोटरसाइकलको पछाडी सवार एक जना घाइते भएका छन् । घाइतेको पोखराको मणिपाल अस्पतालमा उपचार भइरहेको प्रहरीले जनाएको छ ।
