दुर्घटना
पोखरा, २८ भदौ/ बागलुङको गलकोट नगरपालिका वडा नम्बर २ भुङखानीमा सरकारी गाडी दुर्घटना हुँदा तीन जनाको मृत्यु भएको छ । मध्यपहाडी लोकमार्ग अन्तर्गत भुङखानीमा भएको दुर्घटनामा एक जना घाइते गम्भीर छन् ।
रा १ झ २०० नम्बरको सरकारी पिकअप गाडी बिहान पौने ९ बजेतिर सडकबाट करिब ३ सय मिटर तल खस्दा दुई महिला र एक पुरुषको घटनास्थलमै मृत्यु भएको छ ।
शव भिरमा अप्ठ्यारो ठाउँमा रहेकाले निकाल्न कठिन भइरहेको प्रहरीले जनाएको छ । एक जनालाई घाइते अवस्थामा उद्धार गरी उपचारका लागि धवलागिरि अस्पताल बागलुङ लगिएको छ ।
गाडीमा रुकुम पूर्वको पुथाउत्तरगंगा गाउँपालिकाको भएको खुलेको छ । गाडीमा जनप्रतिनिधि र कर्मचारीहरु सवार थिए ।
