सडक फाइल तस्बिर
चितवन, २८ असार/ नारायणघाट मुग्लिन सडक खण्डको त्रिशुली नदीमा दई वटा यात्रुवाहक बस खसेको छ ।
भरतपुर महानगरपालिकाको वडा नम्बर २९ मा रहेको सिमलतालमा सडक माथीबाट आएको पहिरोले बगाउँदा दुई वटा बस त्रिशुलीमा खसेको प्रहरीले जनाएको छ ।
काठमाडौंबाट विरगंज चल्ने र अर्को कामाडौंदेखी गौर चल्ने बस खसेको प्रारम्भिक जानकारी प्रहरीले दिएको छ ।
काठमाडौंबाट गौर जान हिडेको गणपति डिलक्समा ३० जना यात्रु रहेको बताइएको छ । तीन जना सकुसल भेटिएको चितवन प्रहरी प्रवक्ता डिएसपी भेशराज रिजालले बताए । अहिले मुग्लिन नारायणघाट सडकमा सवारी आवागमन रोकिएको छ ।
त्यसैगरी सोही सडक खण्डको १७ किलोमा बिहान साढे तीन बजे आसपासमा खसेको पहिरोबाट आएको ढुंगाले लागेर बसका चालकको निधन भएको छ ।
बुटबलबाट काठमाडौं जाँदै गरेको लु २ ख ६५६६ नम्बरको बसलाई ढुंगाले लाग्दा गम्भीर घाइते भएका चालक नवलपरासीका मेघनाथ विकको उपचारका क्रममा चितवन मेडिकल कलेजको शिक्षण अस्पतालमा निधन भएको डीएसपी रिजालले बताए ।
