पोखराको विन्ध्यवासिनी सहकारी ठगी आरोपमा थप २ जना पक्राउ
पोखरा, २५ असार/ पोखरा महानगरपालिका वडा नम्बर ९ न्यूरोड स्थित विन्ध्यवासिनी वचत तथा ऋण सहकारी संस्था रकम हिनामिना आरोपमा दुई जना पक्राउ परेका छन् ।
सहकारीका संचालक समितिका पदाधिकारीहरू समेतले निक्षेपकर्ताहरूको बचत रकम फिर्ता नगरी सहाकारीको रकम हिनामिना, अपचलन एवं ठगी गरेको कसूरमा संलग्न रही हालसम्म फरार रहेका दुई जनालाई पक्राउ गरेको हो ।
विन्ध्यवासिनी बचत तथा ऋण सहकारी संस्थाका पूर्व संचालक समितिका सचिव पोखरा १७ बिरौटाका ४६ का किरण कपाली र संस्थाका पूर्व लेखा समिति संयोजक ४५ बर्षीय बुद्दी सागर ढकाल कास्की प्रहरीले पक्राउ गरेको हो ।
उनीहरुलाई प्रहरीले जिल्ला अदालत कास्कीमा पेस गरेको छ ।
