पोखराको चर्चित ‘बिजी बी क्याफे’ अब काठमाडौंमा पनि, भदौमा सञ्चालनमा आउने
पोखरा, ३१ साउन/ पोखराको लेकसाइडमा सञ्चालित ‘बिजी बि क्याफे’को शाखा काठमाडौंमा विस्तार भएको छ । पोखरामा आउने आन्तरिक तथा बाह्य पर्यटकको रोजाईमा पर्न सफल बिजी बीले काठमाडौंको ठमेलस्थित चाक्सीबारीमा पहिला शाखा सञ्चालनमा ल्याउने तयारीमा छ ।
बिजी ग्रुपका लगानीकर्ताको संयुक्त लगानीमा काठमाडौंमा शाखा विस्तारको अन्तिम तयारीमा छ । सम्पूर्ण तयारी सकिएको र भदौ पहिलो सातासम्म बिजी बीको शाखा सञ्चालनको तयारी भइरहेको सञ्चालक योगेश भट्टराईले जानकारी दिए । उनले पहिले नै शाखा खोल्ने तयारी भएपनि कोभिडका कारण ढिलो भएको बताए ।
बिजी बी क्याफे विदेशी पर्यटक र नेपाली युवाह?को रोजाईमा पर्ने गरेको छ । काठमाडौंमा करिब २ रोपनी क्षेत्रफलमा बिजी बी क्याफेको शाखा विस्तार गरिएको छ । करिब १० करोड लगानीमा सञ्चालनमा आउन लागेको बिजी बीमा काठमाडौं आउने आन्तरिक तथा बाह्य पर्यटकको आकर्षक गन्तव्य बन्ने लगानीकर्ताह?को विश्वास छ ।
पोखरामा उपलब्ध सम्पूर्ण सेवा काठमाडौं शाखामा पनि उपलब्ध हुने अर्का सञ्चालक सुनिल भट्टराईले बताए । म्युजिक, फुड र ड्रिङसका लागि बिजी बी प्रशिद्ध छ । बिजी बी काठमाडौं शाखामा मात्रै ५० जनाले रोजगारी पाउने छन् । सोही ग्रुपले पोखरामा बिजी बी रिसोर्ट र कोरियन रेष्टुरेण्ट समेत सञ्चालनमा ल्याइसकेको छ ।
ग्रुप अन्तर्गत १ सय ५० भन्दा बढीले प्रत्यक्ष रोजगारी पाउन सफल भएको भट्टराईले जानकारी दिए । ग्रुपमा योगेश भट्टराई, ज्याक तामाङ, सुनिलबहादुर भट्टराई, सरोज भट्टराई र वसन्त महतको संयुक्त लगानी रहेको छ ।
