विष्णु माझीको तीज गीत ‘चरी जेलैमा २’
पोखरा, २६ साउन/ गायिका विष्णु माझीको तीज गीत ‘चरी जेलैमा २’ ल्याएकी छन् । अघिल्लो वर्ष निकै चर्चा कमाएको यो गीतको भाग २ बजारमा ल्याएकी हुन् ।
उनका श्रीमान् सुन्दरमणी अधिकारीको संगीत र भिडियो निर्देशनमा गीत सार्वजनीक भएको छ । ‘चरी जेलैमा’को दोस्रो सिक्वेलको गीत बुधबार बेलुका युट्युवमा रिलिज भएको छ ।
रिलिज भएको २४ घण्टा नविदै गीत चर्चामा आएको छ । केही शब्दबाहेक गीतको दोस्रो भागमा नयाँपन केही छैन ।
लय, संगीत र धुनहरु पुरानै छन् । माझीको तीज गीत अब युट्युव प्लेटफर्ममा मात्र सीमित नरहेर यसपटकदेखि स्पटीफाइ, एप्पल म्युजिक, टाइडल, अमेजन म्युजिक, युट्युव म्युजिकमा उपलब्ध छ । गीतका साना साना टुक्का टिकटकमा हिट भैसकेका छन् ।
