तनहुँको आँबुखैरेनीमा सडक
पोखरा, २७ जेठ/ पृथ्वीराज मार्ग अन्तर्गत तनहुँको आबुखैरेनी गाउँपालिका वडा नम्बर ४ ड्याम नजिक सडक भासिदा दुईतर्फी यातायात अवरुद्ध भएको छ ।
गएराति देखि परेको अबिरल वर्षाको कारण करिब १५ मिटर सडक भासिएपछि दुईतर्फी नै यातायात बन्द भएको हो ।
सडकको भाग तलबाट भासिएकाले बेलिब्रिज नराखेसम्म सवारी आवतजावतमा सम्भव नदेखिएको तनहुँका प्रहरी नायब उपरीक्षक युवराज खड्काले जानकारी दिए ।
तत्काल बनाउन नसक्ने भएपछि सवारी साधनहरुलाई जताबाट आएको हो, त्यतैतर्फ फर्काइएको उनले बताए । वर्षाले सडक भासिएर नदीमा पुगेको छ ।
