दुर्घटना
पोखरा, २४ जेठ/ पोखरा महानगरपालिका २५ हेमजामा गएराति मोटरसाइकल दुर्घटना हुँदा एक युवकको मृत्यु भएको छ । पोखरा हेमजाका २७ वर्षीय अक्षयराज कुँवर मृत्यु भएको प्रहरीले जानकारी दिएका छन् ।
कास्कीको नौडाँडाबाट पोखरातर्फ आउँदै गरेको ग१प ७६६६ नम्बरको मोटरसाइकल अनियन्त्रित भई सडक मै पल्टिँदा दुर्घटना भएको हो ।
दुर्घटनामा परेर ३५ वर्षीय दिलिप कुँवर घाइते भएका छन् । उनको पोखराको मणिपाल शिक्षण अस्पतालमा उपचार भइरहेको छ ।
