पोखराबाट जोमसोम जादै गरेको तारा एयरको जहाज दुर्घटनाग्रस्त अवस्थामा भेटियो तस्बिरःसुशील बाबु थकाली अनुरागीको फेसबुकबाट
पोखरा, १७ जेठ/ आइतबार बिहान पोखराबाट जोमसोमका लागि उडेको जहाजमा सवार २२ जनाकै शव भेटिएको छ ।
मुस्ताङको थासाङ गाउँपालिका–२ सानोसरेमा तारा एअरको ९ एनइटी जहाज दुर्घटना भएको तेस्रो दिन बिहान बेपत्ता सबैको शव भेटिएको हो । सोमबार २१ वटा शव भेटिएको थियो भने सोमबार बिहान १ जनाको शव भेटिए सँगै २२ जनाको शव भटिएको प्रहरीले जानकारी दिएको छ ।
मुस्ताङको कोवाङ नाउरिकोट माथिको शिर सानुसरे पहाडको खोंचमा अड्किएर बसेका शव र पहाडको तल खोलामा छेउमा रहेको शव निकाल्न सफल भएको घोजिमा खटिएका स्थानीय पर्यटक गाईड ईन्द्रसिंह शेरचनले जानकारी दिए । सोमबार एउटा शव देखी पनि निकाल्न सकिएको थिएन भने एउटा शव हराइरहेको थियो ।
पोखराबाट जोमसोमका लागि उडेको जहाज दुर्घटनामा परी मृत्यु भएको १० शव सोमबार काठमाडौं पुर्याइको छ भने संकलन गरिएको १० शव सानुसरे पहाडबाट माउन्टेन हेली मार्फत थासाङको कोवाङमा ल्याईएको प्रमुख जिल्ला अधिकारी नेत्रप्रसाद शर्माले जानकारी दिए । बाँकी दुईवटा शवपनि तल ल्याउने तयारी भई रहको उनले बताए ।
दुर्घटनाग्रस्त भएको तारा एयरको हवाईजहाजको ब्ल्याक बक्स पनि भेटिएको उनले बताए । दुर्घटनास्थलमा उद्धारका लागि खटिएको नेपाल राष्ट्रिय पर्वतारोहण पथप्रदर्शक संघको टोलीले आज बिहान हवाईजहाजको ब्ल्याक बक्स भेटाए उनको भनाई छ । ब्ल्याक बक्समा पाइलटले गरेका कुराकानीको सबै रेकर्ड रहने भएकाल जहाज दुर्घटनाको कारण पत्ता लगाउन सहज हुन्छ ।
