तारा एयर
पोखरा, १५ जेठ/ पोखराबाट जोमसोमका लागि उडेको तारा एयरको जहाज सम्पर्कविहीन भएको छ । पोखराबाट १९ जना यात्रु र तीनजना चालक दलका सदस्य बोकेर जोमसोमका लागि उडेको जहाज सम्पर्कविहीन भएको हो ।
पोखरा विमानस्थलबाट उडेको ९ एन एइटी कलसाइनको ट्वीनअटर जहाज सम्पर्कविहीन भएको हो । जहाजमा चालक दलका सदस्य प्रभाकर घिमिरेले विहान ९ बजेर ५५ मिनेटमा जहाज उडाएका थिए । जहाज विहान १० बजेर १५ मिनेटमा जोमसोम विमानस्थलमा अवतरण गर्नुपर्ने थियो ।
पोखरा–जोमसोम हवार्ई मार्गमा पर्ने घोरेपानी माथिको आकाशबाट जहाज सम्पर्कवहीन भएको हो । पोखरा टावरले जोमसोम टावरलाई जहाज हस्तान्तरण गरेको भएपनि बीचबाटै सम्पर्कविहीन भएको थियो । ४ जना भारतीय पर्यटक सहित ६ जना विदेशी र १३ जना नेपाली यात्रु रहेका छन् ।
