निरा आचार्य
काठमाडौं, १७ बैशाख/ काठमाडौं कपनकी निरा आचार्यको हत्या प्रकरणमा संलग्न रहेको आरोपमा प्रहरीले एक जनालाई पक्राउ गरेको छ ।
प्रहरी उच्च स्रोतका अनुसार निराको हत्या आरोपमा विनोद बिकलाई झपाबाट पक्राउ गरिएको हो । घटना अनुसन्धानमा संलग्न अर्का एक प्रहरी अधिकारीले विनोदलाई केही दिनअघि नै पक्राउ गरी सोधपुछ गरिरहेको बताएका छन् ।
काठमाडौंको कपन, सरस्वतीनगरमा भाँडा पसल चलाउँदै आएकी निराको वैशाख ७ गते दिउँसो पसलमै भएका बेला धारिलो हतियार प्रयोग गरी हत्या भएको थियो ।
