जुवा तास
पोखरा, २३ कात्तिक/ पोखरामा जुवातास खेलिरहेको अवस्थामा प्रहरीले ६ जनालाई पक्राउ गरेको छ।
जिल्ला प्रहरी कार्यालय कास्कीबाट खटिएको प्रहरी टोलीले पोखरा महानगरपालिका–८ सिमलचौरमा जुवातास खेलिरहेको भन्ने सूचनाका आधारमा छापा मार्दा ६ जनालाई पक्राउ गरेको हो।
गएराति करिब ११ बजे जुवातास खेलिरहेको अवस्थामा उनीहरूलाई नियन्त्रणमा लिइएको हो। पक्राउ परेकाहरूको साथबाट नगद १ लाख ४३ हजार १ सय ९० रुपैयाँ र ५२ पत्ती तास बरामद गरेको कास्कीका प्रहरीका सूचना अधिकारी बिरेन्द्र कुमार पासवनले जानकारी दिए ।
पक्राउ परेका व्यक्तिहरूलाई नियन्त्रणमा लिएर थप अनुसन्धान तथा कानुनी कारबाही प्रक्रिया अघि बढाइएको उनले बताए ।
