जुवा तास
पोखरा, ४ कात्तिक/ पोखराका विभिन्न स्थानमा जुवातास खेल्ने–खेलाउनेहरुलाई कास्कीले प्रहरीलाई निगरानी बढाएको छ । जिल्ला प्रहरी कार्यालय कास्कीले ४ दिन अवधिमा २० जनालाई ६ लाख रुपैयाँसहित पक्राउ गरेको छ ।
पोखराको नयाँबजार, विजयपुर र मोहरिया टोलबाट उनीहरुलाई पक्राउ गरिएको सूचना अधिकारी डिएसपी हरिबहादुर बस्नेतले बताए ।
जुवातास खेलिरहेको भन्ने सूचनाको आधारमा १ कत्तिकदेखि प्रहरी कार्यालय कास्की तथा मातहत समेतबाट खटिएको प्रहरी टोलीले पक्राउ गर्न सफल भएको हो ।
पक्राउ परेकाहरुमाथि अनुसन्धान तथा कारवाही प्रकृया अगाडि बढाइएको डिएसपी बस्नेतले जानकारी दिए ।
पोखरा ९, नयाँबजारमा जुवा तास खेल्ने–खेलाउने ५ जना पक्राउ परेका हुन् । निजको साथबाट तास र २ लाख ५१ हजार बरामद गरिएको छ ।
पोखरा २६, विजयपुरस्थित लप्सीबोट सामुदायिक जंगला कौडा खेल्ने ७ जनालाई प्रहरीले पक्राउ गरेको हो । उनीहरुको साथबाट कौडाको गोटीसहित ७७ हजार बरामद गरिएको हो ।
पोखरा २, मोहरिया टोलमा जुवा खेल्ने–खेलाउने ८ जना पक्राउ परेका हुन् । उनीहरुको साथबाट ६ बुक तास र २ लाख ७३ हजार बरामद गरिएको प्रहरीले जनायो ।
