मर्दी हिमाल आरोहण गर्दा लडेर मृत्यु भएका गाइडको शव सिम्रिक एयरको हेलिबाट पोखरामा

मर्दी हिमाल आरोहण गर्दा लडेर मृत्यु भएका गाइडको शव सिम्रिक एयरको हेलिबाट पोखरामा

पोखरा, २९ कात्तिक/ मर्दी हिमाल आरोहणका क्रममा लडेर बेपत्ता भएका पथप्रदर्शक (गाइड) लालबहादुर तामाङको शव फेला पारेर सिम्रिक एयरको हेलिबाट पोखरा ल्याएको छ ।

मर्दी आरोहणका लागि काठमाडौँको सनराइज कम्पनीबाट एक विदेशी र चार नेपाली सहयोगी कात्तिक २३ गते मर्दी आधार शिविरबाट हिँडेका थिए । सोही क्रममा नुवाकोटको काल्चे–१ का ६२ वर्षीय तामाङ कात्तिक २५ गते दिउँसो लडेर सम्पर्कविहीन भएका थिए ।

माछापुच्छ्रे गाउँपालिकामा रहेको मर्दी हिमालमा तामाङको खोजीका लागि सिम्रिक एयरको हेलिबाट तीन जना गाइड मंगलबार गएका थिए । उद्धार टोलीले मर्दीको पाँच हजार ३ सय मिटर उचाइमा तामाङको शव फेला पारेपछि बिहीबार हेलीमार्फत शवलाई पोखरा ल्याएको प्रहरीले जानकारी दिएको छ ।

उद्धारका लागि लाक्पाछिरिङ शेर्पा, छिरिङ लामा भोटे र पासाङ शेर्पा गएका थिए । बुधबार भिरको खोंचमा हिउँले पुरिएको शवलाई डोरीको सहायताले दुई सय मिटरमाथि ल्याएर राखिएको बिहीबार शवलाई हेलिको साहेतामा पोखरा ल्याएको प्रहरीले बताएको छ । पोखराको गण्डकी अस्पतालमा शवको पोष्टमार्ट पछि परिवारलाई बुझाउने प्रहरीको भनाई छ ।