भेट्रान्स भलिबल प्रतियोगिताको उपाधि ठुलाखेतलाई
पोखरा, २३ बैशाख/ पोखरा २३ नयाँ बस्तीमा ३५ वर्ष माथिका भेट्रान्स भलिबल प्रतियोगिताको उपाधि ठुलाखेत भेट्रान्स भलिबल टिमले जितेको छ ।
भूपू भलिबल खेलाडी पूर्नमिलन तथा शुभकामना भेट्रान्स भलिबल प्रतियोगिताको फाइनलमा दमदमे भलिबल टिमलाई ठुलाखेत टिमले हराउदै उपाधि जितेको हो । १२ टिम सहभागी प्रतियोगितमा विजेता र उपविजेता टिमले खसी उपहार जित्न सफल भयो ।
विजेता खेलाडीलाई गण्डकी प्रदेशका सांसद प्रकाश बराल, पोखरा २३ का वडा अध्यक्ष रामकाजी गुरुङ, प्रतियोगिता संयोजक राजु घले लगाएतले विजयी खेलाडीलाई पुरस्कार वितरण गरे ।
खेल मैदानको संरक्षण, भूपू भलिबल खेलाडी भेटघाट र सांस्कृतक कार्यक्रम मार्फत संस्कृतीको संरक्षण गर्ने उद्देश्यले प्रतियोगिता आयोजना गरेको संयोजक राजु घलले बताए । उनले आगामी वर्ष पनि खेललाई निरन्तरता दिने बताए ।
कार्यक्रममा लोकदोहोरी गायक आयुस परियार, सविता छिनाल र अमृत पौडेल लगाउतका कलाकारले मनोरञ्जन दिए ।
