नेपाली महिला भलिबल टोलीकी कप्तान अरुणा शाही सम्मानीत
पोखरा, ११ मंसिर/ नेपाली महिला भलिबल टोलीकी कप्तान अरुणा शाही पोखरामा सम्मानीत भएकी छन् । उच्च शिक्षालय तथा माध्यमिक विद्यालय संघ (हिसान) कास्कीको आयोजनामा पोखरामा शुरु १७ औं हिसान स्पोर्ट्स मीटको अवसरमा सम्मानीत भएकी हुन् ।
उनलाई गण्डकी प्रदेशका प्रमुख डिल्लीराज भट्टले नगद २५ हजार, सम्मानपत्र, र दोसल्लाले सम्मान गरे । हिसान स्पोर्ट मिटबाट राष्ट्रिय खेलाडी हुन सफल खेलाडीलाई यस वर्ष देखी नगद सहित प्रत्यक वर्ष एक जनालाई सम्मान गर्ने जनाएको छ ।
सम्मान पछि कप्तान शाहीले आफुलाई खेलमा लागि रहन प्रेरणा मिलेको बताइन् । कार्यक्रममा प्रदेश प्रमुख भट्टले खेलकुदले स्वस्थ तनमन बनाउ सहयोग हुने बताए ।
