पोखरा काठमाडौं पोखरा यात्रामा श्री एयरलाइन्सको एउटा टिकट किन्दा अर्को सित्तैमा
पोखरा, २४ भदौ/ श्री एयरलाइन्सले पोखरा- काठमाडौं–पोखरा उडान गर्नेलाई १ टिकट खरिद गर्दा अर्को सित्तैमा दिने भएको छ ।
असोज ४ गतेसम्म श्री एयरलाइन्सले पोखरा–काठमाडौं वा काठमाडौं–पोखरा यात्रा गर्दा एउटा किन्दा एउटा टिकट निःशुल्क दिने भएको हो ।
श्री एयरलाइन्सका प्रबन्धक अनिल मानन्धरले एक टिकट किन्दा अर्को निःशुल्क दिने अफर ल्याएको बताए ।
भदौ २३ गते देखी असोज ४ गतेसम्म खरिद गर्नेले उक्त सुविधा पाउने उनले बताए । खरिद गरेको टिकटबाट असोज १४ सम्म यात्रा गरिसक्नुपर्ने मानन्धरले बताए ।
जहाज थप्दै गएको कम्पनीले सीआरजेट २०० र सीआरजेट ४०० बाट नेपालका विभिन्न गन्तव्यमा उडान भर्दै आएको छ ।
