महादेव गुरुङ
पोखरा, २३ असोज/ नेपाली कांग्रेसका पुराना नेता महादेव गुरुङले स्वतन्त्र उम्मेदवारी दर्ता गरेका छन् ।
गुरुङले प्रतिनिधि सभा तर्फ कास्की निर्बाचन क्षेत्र नम्बर २ बाट उमेद्वारी दिएका हुन् । गुरुङको प्रस्तावक बाल गोपाल श्रेष्ठ र समर्थकमा सूर्यप्रसाद लमसाल छन् ।
यो निर्बाचन क्षेत्र सत्ता गठबन्धनको भागबण्डामा नेकपा एकिकृत समाजवादीको भागमा परेको छ । सत्ता गठबन्धनबाट नेकपा एसका श्रीनाथ बरालले टिकट पाएका छन् ।
उनले आफ्नो उम्मेदवारी गठबन्धन विरुद्धको विद्रोह गर्दै भएको बताए । उनी नेपाली काग्रेसबाट जिल्ला सभापति र राज्यमन्त्री भएका थिए ।
