दुर्घटना
मकवानपुर, २० असोज/ पूर्व–पश्चिम राजमार्गअन्तर्गत बाराको जितपुर सिमरा उपमहानगरपालिका–२२ मा बस दुर्घटना हुँदा १४ जनाको मृत्यु भएको छ ।
चितवनको नारायणगढबाट विरगञ्जतर्फ गइरहेको बागमती प्रदेश ०६००ख ०२१० नम्बरको बस सडकमा अनियन्त्रित भइ दुर्घटना भएको हो ।
दुर्घटनामा ३६ जना घाइते भएको जिल्ला प्रहरी कार्यालय मकवानपुरका प्रहरी उपरीक्षक बामदेब गौतमले जानकारी दिए ।
दुर्घटनास्थलमा १० र चार जनाको उपचारका क्रममा हेटौँडा अस्पतालमा मृत्यु भएको गौतमले जानकारी दिए ।
घाइतेको हेटौँडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेकोे छ । प्रहरीले दुर्घटनाको कारण बारे अनुसन्धान गरिरहेको जनाएको छ ।
