महिला क्रिकेट
पोखरा, १४ असोज/ असोज अन्तिम साता हुने नवौं राष्ट्रिय खेलकुद अन्तर्गत महिला क्रिकेटको खेल तालिका सार्वजनिक भएको छ ।
पोखरा रंगशालमा महिला क्रिकेट प्रतियोगिता असोज २३ गतेदेखी शुरु हुनेछ । नवौं राष्ट्रिय खेलकुदको उद्घाटन असोज २८ गतेदेखि सुरु हुने भए महिला क्रिकेट भने २३ गतेदेखि सञ्चालन हुनेछ ।
महिला क्रिकेटमा २३ गते आइतबार गण्डकी प्रदेशले मधेश प्रदेश र सुदूरपश्चिम प्रदेशले बागमती प्रदेशको सामना गर्नेछ । कार्तिक एक गतेसम्म चल्ने छ ।
प्रतियोगिताको दुवै सेमिफाइनल खेलहरु असोज ३१ गते र फाइनल खेल कार्तिक एक गते हुनेछ । १० चल्ने प्रतियोगितामा २० खेल हुने छन् ।
प्रतियोगिताअन्तर्गत पुरुष क्रिकेट भने काठमाडौमा सम्पन्न भइसकेको छ । प्रतियोगितामा नेपाल पुलिस क्लबले स्वर्ण, त्रिभुवन आर्मी क्लबले रजत र सुदूरपश्चिम प्रदेशले कांस्य पदक जितेको थियो ।
