तेजनाथ घिमिरे
पोखरा, ३२ असार/ कवि तेजनाथ घिमिरेको ८३ बर्षको उमेरमा निधन भएको छ । शनिबार बिहान २ बजेर घिमिरेका निधन भएको परिवारले जानकारी दिएको छ ।
पोखरा ३ नदीपुर निवासी घिमिरे लामो समयदेखि उच्च रक्तचाप, मधुमेह तथा दम रोगबाट पीडित थिए । उहाँका २ श्रीमती ५ छोरा, २ छोरी छन् ।
उनको आजै ९ बजे सतीनदी किनार तुसली घाटमा अन्त्येष्टि गरिने छोरा कलाकार प्रकाश घिमिरेले जानकारी दिए । घिमिरेका ३ वटा कविता संग्रह प्रकाशित छन् ।
घिमिरे पोखरेली युवा सांस्कृतिक परिवारका पूर्व अध्यक्ष समेत हुन् । साहित्य, पत्रकारिता, शिक्षक आन्दोलन तथा प्रजातान्त्रिक आन्दोलनका एक योद्धाको रुपमा घिमिरेलाई चिनिदै आएको थियो । उनको जन्म १९९६ असोजमा भएको थियो ।
