पोखराबाट जोमसोम जादै गरेको तारा एयरको जहाज दुर्घटनाग्रस्त अवस्थामा भेटियो

पोखराबाट जोमसोम जादै गरेको तारा एयरको जहाज दुर्घटनाग्रस्त अवस्थामा भेटियो तस्बिरःसुशील बाबु थकाली अनुरागीको फेसबुकबाट

पोखरा, १६ जेठ/ शनिबार देखी हराइरहेको तारा एयरको दुर्घटनाग्रस्त जहाज फेला परेको छ । मुस्ताङको थासाङ गाउँपालिका वडा नम्बर २ मा जहाज दुर्घटनाग्रस्त अवस्थामा फेला परेको छ ।

आइतबार बिहान ९ः५५ मा पोखराबाट उडेको जहाज १०ः१५ मा मुस्ताङको जोमसोम विमानस्थलमा अवतरण गर्नुपर्ने थियो। तर १०ः०७ बजेदेखि जहाज सम्पर्कविहीन थियो ।

तारा एयरको ९ एन एइटी जहाज मुस्ताङको आकाशमा पुगिसकेपछि १० बजेर ७ मिनेटमा अन्तिम पटक जोमसोम विमानस्थलको टावरसँग सम्पर्कमा आएको थियो ।

जहाज क्याप्टेन प्रभाकर घिमिरेले उडाएका थिए । जहाजमा चालक दलका दुई जना अन्य सदस्य र १९ यात्रु थिए । जहाजमा २ जना जर्मन, चार भारतीय र १३ नेपाली यात्रु थिए ।