हिमलाल बराल
पोखरा, ११ जेठ/ पोखरा महानगरपालिका वडा नम्बर २२ मा स्वतन्त्र उम्मेदवार विजयी भएका छन् । पोखरा २२ को वडाध्यक्षमा गठबन्धनको समर्थन पाएका स्वतन्त्र उम्मेदवार हिमलाल बराल विजयी भएका हुन् ।
उनले एमालेका प्रकाशचन्दर गुरुङलाई १ सय २० मतान्तरले पराजित गर्दै विजयी भएका हुन् । विजयी बरालले १ हजार ८ सय ७२ मत प्राप्त गरे भने गुरुङले १ हजार ७ सय ५२ मत प्राप्त गरे ।
खुल्ला सदस्यमा एमाले उम्मेदवार लिलाधर पौडेलले १ हजार ९ सय १२ मत र सन्जीव गुरुङले १ हजार ९ सय ३२ मत ल्याएर विजयी हुँदा कांग्रेस उम्मेदवारहरु चेतभक्त बराल १ हजार ५ सय ५३ मत र होमबहादुर गुरुङले १ हजार ७ सय ७९ मत प्राप्त गरे ।
महिला सदस्यमा एमालेकी कृष्णकुमारी पौडेल देवकोटाले १ हजार ९ सय ६५ मत ल्याएर विजयी हुँदा कांग्रेस उम्मेदवार लक्ष्मीदेवी पौडेल बरालले १ हजार ७ सय ४१ मत प्राप्त गरिन् ।
त्यस्तै दलित महिला सदस्यमा एमाले उम्मेदवार सीता विक कामीले १ हजार ८ सय ७९ मत ल्याएर विजयी हुँदा नेकपा माओवादी केन्दरका उम्मेदवार कल्पना रसाईलीले १ हजार ३ सय ४३ मत प्राप्त गरीन् ।
