पोखरा उद्योग वाणिज्य संघः २२ सय ७४ मत खस्यो, प्यानल मत क्रस भएपछि परिणाम रोमान्चक
पोखरा, २१ भदौ/ पोखरा उद्योग वाणिज्य संघको ३६ औं महाधिवेशन अन्तर्गतको मतदान आइतबार सम्पन्न भएको छ । मतदानमा पदाधिकारी तर्फ २ हजार २ सय ७४ मत खसेको छ भने सदस्य तर्फ २ हजार १ सय ८ मत खसेको छ । २ हजार ७ सय ३१ जनाले मतदाता रहेका छन् ।
पोखरा उद्योग वाणिज्य संघको अध्यक्षका लागि अर्जुन पोखरे, उत्तममान बुद्धाचार्य, बलराम आचार्य, शोभा गौतम चुनावी मैदानमा छन् । बलराम आचार्य र शोभा गौतमको नेतृत्वमा पदाधिकारीहरुका दुईवटा प्यानल बनेको छन भने अर्जुन पोखरेल र उत्तममान बुद्धाचार्य एकल रुपमा अध्यक्षको प्रतिष्पर्धा उत्रिएका थिए ।
मतदान पछि चारै जनाको पक्षले आफ्नो पक्षले विजयी हुने दावी प्रस्तुत गरेका छन् । बलराम पक्षले ७ सय ३० मताका साथ आचार्य विजयी हुने दावी छ । शोभाका पक्षधरले ६ सय ५० मत भन्दा बढि मत ल्याउदै शोभा विजयी हुने बताएका छन् । त्यसै गरी उत्तम पक्षले पनि ६ सय ५० मै हारा हारीमा मत ल्याउदै विजयी हुने दावी छ । अर्का उमेद्वार अर्जुन पक्षले करिब ८ सयको हारा हारीमा मत प्राप्त गर्ने दावी छ ।
प्यानलको अध्यक्ष छाडेर अर्को अध्यक्षलाई समर्थन सहित मतदान गरेका कारण चुनाबी नतिजा कसको पक्षमा जान्छ भनेर सहज अनुमान गर्न नसकिने अबस्था रहेको मतदाताहरु बताउ छन् । चारजना अध्यका उमेदवारहरुबिचको कडा प्रतिष्पर्धा भैरहंदा प्यानल भत्किने आशंका र चर्चासंगै पदाधिकारीको नतिजा समेत मिश्रित रुपमा आउने अनुमान छ ।
बलराम आचार्य नेतृत्वको प्यानलमा बरिष्ठ उपाध्यक्षको उमेदवार दिनेशचन्द्र बाँस्तोला, उद्योग तर्फको उपाध्यक्षमा ललितबहादुर कुँवर, बाणिज्य तर्फको उपाध्यक्षमा मनोज कुमार श्रेष्ठ, महासचिबमा सुदीप प्रधानांग, उपमहासचिबमा प्रदीप राजभण्डारी र कोषाध्यक्षमा देबेन्सन प्रजु उमेदवार रहेका छन् ।
शोभा गौतमको प्यानलमा बरिष्ठ उपाध्यक्ष टिकाराम सुबेदी, उद्योग उपाध्यक्षमा सौगात थापा, बाणिज्य तर्फका उपाध्यक्षमा भीम गौतम, महासचिबमा तारानाथ ढुंगाना, कोषाध्यक्षमा जिबनप्रकाश श्रेष्ठ, उपमहासचिबमा यादव प्रसाद पोखरेल उमेद्वार रहेका छन् । त्यसै गरी उपमहासचिब पदमा रामचन्द्र तिमिल्सिना कुनै पनि प्यानलमा देखिएका छैनन् ।
खुला सदस्यतर्फ १० जना चाहिनेमा १३ जनाको उम्मेदवारी परेको छ । खुला सदस्यका उम्मेदवारहरूमा अमृत पोखरेल, कमलबहादुर सुनार, गोविन्दबहादुर केसी, दिलीपकुमार श्रेष्ठ, दुर्गा बराल, नवीन नापित, निर्मला चापागाईं, भानुभक्त अधिकारी, मनहरि पौडेल, रामप्रसाद कँडेल, रामेश्वर अधिकारी, सूर्यराज घिमिरे र हरिप्रसाद अधिकारी छन् ।
