शव
तनहुँ, २० पुस/ तनहुँको भानु नगरपालिका ५ बारीफाँट निवासी एक महिला मृत फेला परेकी छन् ।
एक साता देखी हराएकी ४६ वर्षीया सुष्मा पौडेल मृतावस्थामा भेटिएकी हुन्। पौडेल शनिबार मस्याङ्दी नदी किनारमा मृतावस्थामा फेला परेको प्रहरीले जनाएको छ ।
नदीमा शव बगिरहेको देखपछि नेपाल प्रहरी र सशस्त्र प्रहरीको सहकार्यमा नदीबाट शव निकालिएको प्रहरी नायब उपरीक्षक श्रवणकुमार विकले जानकारी दिए ।
शव परीक्षणका लागि प्रदेश अस्पताल दमौली पठाइएको छ भने घटनाबारे अनुसन्धान भइरहेको प्रहरीले जनाएको छ ।
