फाइल तस्बिर
पर्वत, ४ साउन/ पर्वतको मोदी गाउँपालिका वडा नम्बर ३ देउरालीको लाङ्दीमा आएको पहिरोले एक घर पुरिदा दम्पत्ति पुरिएर बेपत्ता भएका छन् ।
छविलाल विश्वकर्माको एक तले घर पुरिँदा ७६ वर्षिय छविलाल विश्वकर्मा र उहाँकी श्रीमती ७६ वर्षिया विष्णुमती विक पुरिएर बेपत्ता भएका छन् । उनीकी बुहारी ३२ वर्षिया पवित्रा विक भने घरवाट पहिरो झर्ने वित्तिकै भागेर बच्न सफल भएकी छन् ।
सडक अवरुद्ध हुँदा घटनास्थलमा प्रहरी पुग्न सकेको छैन भने स्थानीयले उद्धार कार्य जारी राखेका छन् । अहिले वेपत्ता दम्पितिको खोजी कार्य भैरहेको स्थनीयले बताएका छन् ।
गएरातीदेखि पर्वत लगायत आसपासका क्षेत्रमा भिषण वर्षा भैरहेको छ ।
