फुटबल
पोखरा, ८ चैत/ मैत्रीपूर्ण अन्तर्राष्ट्रिय खेलमा नेपालले सिंगापुरलाई हराउदै ऐतिहासिक जित निकालेको छ । सिंगापुर नेसनल स्टेडियममा भएको खेलमा नेपालले सिंगापुरलाई १-० गोलले पराजित गरेको हो ।
नेपालको जितमा जिलेप्सीजंग कार्कीले निर्णायक गोल गरे । कार्कीले खेलको १२औं मिनेटमा मनिष डाँगीको क्रसमा पेनाल्टी बक्सबाट गोल गरेका हुन् ।
नेपालले अन्तर्राष्ट्रिय फुटबलमा पहिलोपटक सिंगापुरलाई पराजित गरेको हो । अब नेपालले एसिया कप छनोटको तेस्रो चरणमा मलेसियासंग खेल्नेछ ।
