आहा रारा पोखरा कपमा संकटालाई हराउदै पाहुना टोली थन्डरबोल्टस् क्वाटरफाइनलमा
पोखरा, २५ माघ/ पोखरामा जारी २४ औं आहा रारा पोखरा गोल्डकपमा ३ पटकको विजेता संकटा क्लबलाई पराजित गर्दै पाहुना टोली थन्डरबोल्टस् नर्थ युनाइटेड सिक्किमको क्वाटरफाइनल प्रवेश गरेको छ ।
शुक्रबार पोखरा रंगशालामा भएको खेलमा सिक्किमको थन्डरबोल्ट्स युनाइटेडले संकटालाई ३–१ गोलले हरायो । खेलको १७ औं मिनेटम गोल गर्दै संकटाले अग्रता लिएको थियो । संकटाका लागि मनिष पौडेलले पासाङ लामाको पास सदुपयोग गोल गरे । संकटाको खुसी लामो समय टिकेन ।
खेलको ३४ औं मिनेटमा थण्डरबोल्टले पेनाल्टीमार्फत बराबरी गोल फर्कायो । पहिलो पटक आहारारा पोखरा गोल्डकपमा खेल्न आएको थन्डरले ७७ औं मिनेटमा थन्डरका करन राईले व्यक्तिगत एक गोल गर्दै खेललाई २–१ को सहज स्थितिमा ल्याए । उनले आन्द्रेको क्रशमा बक्सबाट गोल गरेका हुन् ।
थन्डरका आदर्श तामाङले खेलको ८४ औं मिनेटमा व्यक्तिगत पहिलो र टिमका लागि तेस्रो गोल गरे । उनले मैदानको सेन्टरभागबाट गोल गर्दै थन्डरबोल्टलाई ३–१ को अग्रता दिलाए ।
थन्डरले माघ २९ गते ब्याक बुल्स फुटबल क्लब उक्जुबेकिस्तान सगँ खेल्ने छ । शनिबार खेल नेपाल पुलिस क्लब र ब्रिगेट व्याइज क्लब युके बिच हुनेछ ।
