चितुवा फाइल तस्बिर
पोखरा, ८ साउन/ पोखरा महानगरपालिका वडा नम्बर २३ मा गएराति एक घरमा चितुवा छिरेको छ । ठुलाखेतका चिडामणी गौतमको घरमा गएराति करिब ४ बजे घर भित्र चितुवा छिनेको हो ।
बिरालो लखेट्दै गएको चितुवा घर भित्र पसेको पोखरा वडा नम्बर २३ कि वडा सदस्य शान्ति पराजुलीले बताइन् । ‘बिरालो घर भित्र पसेछ,’ पराजुलीले भन्निन् ‘बिरोलोलाई पछ्याउदै चितुवा पनि घर भित्र पसेछ ।’
चितुवा घर भित्र परेपछि घरबाहिर रहेका चुडामणी घर भित्र रहेका अन्य सदस्यलाई घर बाहिर निकालेको उनले बताइन् । बिहान प्रहरी र वन कार्यालयका कर्मचारीलाई खबर गरेपछि उनीहरु त्यहाँ आएको उनले बताइन् ।
स्थानीय र प्रहरीले घर भित्र भकारीमा लुकिरहेको चितुवालाई घरबाट निकाल्न सफल भएको उनले बताइन् । पछिल्लो समय बन्य जन्तु आफ्नो आहाराको खोजीमा बस्तिमा आउदा बन्य जन्तु र मानव बिच द्धन्द बढ्दै गएको छ ।
