पोखरामा एटिएम मेसिन फोर्न खोज्ने एक जना मानिस पक्राउ
पोखरा, १ साउन/ पोखरा महानगपालिकाको गेट नजिकै रहेको एटिम मेसिन फोर्न खोज्नेलाई कास्की प्रहरीले पक्राउ गरेको छ ।
न्यूरोडमा रहेको एनआईसी एशिया बैंकको एटिएम मेशिन फोर्न खोज्ने रुकुम स्थायी घर भई हाल जिल्ला कास्की पोखरा ९ पृथ्वीचोक बस्ने १९ बर्षिय नरेश पुन मगरलाई पक्राउ गरेको हो ।
जिल्ला प्रहरी कार्यालय कास्कीबाट खटिएको प्रहरी टोलीले असार ३२ गते पक्राउ गरेको हो । मगरलाई कास्की जिल्ला अदालतबाट चोरी उद्योग मुद्दामा पाँच दिन म्याद थप गरी अनुसन्धान गरीरहेको प्रहरीले जानकारी दिएको छ ।
