अन्तर्राष्ट्रिय नेपाली युवा उद्यमी महासंघ (फिने) गण्डकीको अध्यक्षमा जितु गुरुङ
पोखरा, १७ साउन/ अन्तर्राष्ट्रिय नेपाली युवा उद्यमी महासंघ (फिने) गण्डकी प्रदेश गठन भएको छ । अमरजंग गुरुङ (जितु) को अध्यक्षतामा १९ सदस्य प्रदेश कमिटि गठन भएको हो ।
महासंघ गण्डकीको बरिष्ठ उपाध्यक्षमा हरि भुजेल, उपाध्यक्षमा शान्ती श्रेष्ठ (उदास) र सुनील न्यौपाने, महासचिवमा चिरञ्जिवी गौतम, सचिवमा प्रसुन्ना भण्डारी र राजकुमार सुनार, कोषाध्यक्षमा पोषराज पौडेल र सह–कोषाध्यक्षमा रुद्र रेग्मी चयन भएका छन् ।
त्यसैगरी प्रवक्तामा कृष्णप्रसाद आचार्य, सदस्यहरुमा अस्मिता लामीछाने, भूपेन्द्र कुमार लामा, रमेशप्रसाद भुर्तेल, हरि लामिछाने, गोपालप्रसाद संग्रौला, धर्मराज पन्थी, थानेश्वर बराल, असुतोल प्रधान र सुरेन्द्र कुमार रहेका छन् ।
नवनिर्वाचित अध्यक्ष गुरुङले गण्डकी प्रदेशमा युवा उद्यमशीलताको सञ्जाल विस्तार गर्दै अन्तर्राष्ट्रिय स्तरमा नेपाली युवा उद्यमीहरूको पहुँच र अवसर सृजना गर्न प्राथमिकता दिने बताए ।
कार्यक्रमको उद्घाटन गर्दै गण्डकी प्रदेशका मुख्यमन्त्री सुरेन्द्रराज पाण्डेले बाँझो जमिनको सदुपयोग गर्दै गाँजा (भाङ) खेतीलाई व्यावसायिक रूपमा अघि बढाउनुपर्ने बताए । उनले भाङ खेतीलाई बहुपयोगी बालीका रूपमा अघि बढाउन जोड दिए ।
उनले गाँजा दुरुपयोगको सम्भावना भएकाले कडा कानुनी व्यवस्थासहित प्रदेश सरकार अघि बढेको बताए । उनले प्रदेश सरकारले घरेलु रक्सीलाई ब्रान्डिङ गर्ने दिशामा संस्थाले काम गर्नु पर्ने बताए ।
कार्यक्रममा नेपाल उद्योग वाणिज्य महासंघका अध्यक्ष चन्द्रप्रसाद ढकालले कार्यक्रममा पर्यटन प्रवद्र्धनका लागि प्रदेशस्तरमा आकर्षक गन्तव्य विकास गर्नुपर्नेमा जोड दिए ।
महासंघका केन्द्रिय अध्यक्ष स्वतन्त्र प्रताप शाह, बागमती प्रदेशका अध्यक्ष कृष्ण खतिवडा लगाएतले फिनेले नेपाली युवा उद्यमीलाई विश्वभर जोड्ने काम गरेको बताए । फिनेले नेपालबाट युवा उद्यमीलाई जोड्नका लागि प्रदेशहरु कमिटि विस्तारमा लागेको उनीहरुको भनाई छ ।
