see
पोखरा, १३ असार/ माध्यमिक शिक्षा परीषा (एसईई)को नतिजा शुक्रबार साढे ५ बजे पछि सार्वजनिक हुने भएको छ ।
शुक्रबार दिउँसो बसेको राष्ट्रिय परीक्षा बोर्डको बैठकले आज साँझसम्म नतिजा सार्वजनिक गर्ने निर्णय गरेको हो । बोर्डको दोस्रो बैठक बसेपछि नतिजा सार्वजनिक हुने जनाइएको छ ।
प्राविधिक समस्या नआए बेलुकासम्म नतिजा सार्वजनिक हुने राष्ट्रिय परीक्षा बोर्डले जनाएको छ । गत २०८१ साल चैत्र ७ गतेदेखि सञ्चालन भएको एसईई परीक्षामा करिब ५ लाख १४ हजार ७१ जना विद्यार्थी सहभागी भएका थिए ।
एसईईको नतिजा वेबसाइट, एनटीसीलगायत विविध माध्यमबाट हेर्न सकिने व्यवस्था मिलाइएको छ ।
