पोखरा अन्तर्राष्ट्रिय विमानस्थल
पोखरा, ३ असार/ विशेष अदालतले नेपाल नागरिक उड्डयन प्राधिकरणका पूर्वमहानिर्देशक सञ्जीव गौतमलाई पुर्पक्षका लागि कारागार पठाउने आदेश दिएको छ ।
मंगलबार न्यायाधीशहरु नारायण प्रसाद पौडेल, हेमन्त रावल र डिल्लीरत्न श्रेष्ठको संयुक्त इजलासले गौतमलाई मुद्दाको टुंगो नलागेसम्म थुनामा राख्ने आदेश दिएको हो ।
पोखरा अन्तराष्ट्रिय विमानस्थल निर्माणसँग सम्बन्धित अनियमितताको आरोपमा अख्तियार दुरुपयोग अनुसन्धान आयोगले गौतम सहित तत्कालीन निर्देशक प्रदीप अधिकारी लगायत विरुद्ध मुद्दा दायर गरेको थियो ।
अख्तियारले गौतममाथि आर्थिक अनियमिततामा संलग्न भएको दाबी गर्दै ६ करोड ७३ लाख ९९ हजार ६४८ रुपैयाँ ५९ पैसा बिगो असुल गरी कानूनबमोजिम कारबाही गर्न माग गरेको थियो ।
