पोखरामा विभिन्न क्षेत्रमा कफ्र्यु आदेश जारी
पोखरा, २४ भदौ/ जिल्ला प्रशासन कार्यालय कास्कीले पोखरामा बिहान १० बजेदेखि लागू हुने गरी कफ्र्यु आदेश जारी गरेको छ ।
प्रमुख जिल्ला अधिकारी रुद्रादेवी शर्माले विज्ञप्ती जारी गर्दै बिहान १० बजेदेखि लागू हुने गरी राति १० बजेसम्मका लागि कफ्र्यु आदेश जारी गरेकी हुन् ।
पोखरा महानगरपालिकाका ९, २, १ र ६ नम्बर वडा पर्छन् । यी क्षेत्रमा कफ्र्यु अवधिभर धर्ना, घेराउ, जुलुस, प्रदर्शन तथा सभा जस्ता विरोधका कार्यक्रम गर्न निषेध गरिएको छ ।
सोमबार जेनजी आन्दोलनका क्रममा काठमाडौं, पोखरा लगायतका धेरै ठाउँमा प्रहरीले बल प्रयोग गरेपछि आज पनि आन्दोलन जारी छ । त्यसैले पोखरमा कफ्र्यु आदेश जारी गरिएको छ ।
