पोखरामा विष्णुलाई ठक्कर दिई ज्यान दिएर भाग्ने स्कुटर चालक पक्राउ
पोखरा, १७ जेठ/ जेठ १२ गते रातको समयमा १०ः५० बजे एक स्कुटरले पोखराको सभागृहचोक–सिर्जनाचोक सडकखण्डमा ठक्कर दिने स्कुटर चालकलाइ प्रहरीले पक्राउ गरेको छ ।
ठक्करबाट कास्कीको मादी गाउँपालिका वडा नं. ५ सिक्लेस घर भएका यौनिक अल्पसंख्यक व्यक्ति ईच्छा क्षेत्री भनेर चिनाउने विष्णु बहादुर बुढाथोकी घाइते भएका थिए ।
तत्काल वडा प्रहरी कार्यालय बैदाम कास्कीबाट खटिएको प्रहरी टोलिले उनलाई अस्पताल पठायो । तर, दुई दिनपछि जेठ १४ गते बुधबार उपचारकै क्रममा उनको मृत्यु भएको हो ।
‘हिट एण्ड रन’ केसमा संलग्न स्कूटर चालक काठमाण्डौ २६ बस्ने वर्ष ३३ को समिर राज महर्जन पक्राउ परे । उनलाई पोखरा ११ फूलबारीबाट प्र.३–०२–००७ प २०२९ नं. को स्कुटर सहित पक्राउ गरेको कास्की प्रहरीले जानकारी दिएको छ ।
कास्की जिल्ला अदालतबाट सवारी ज्यान सम्बन्धी कसूरमा ७ दिन म्याद थप गरी अनुसन्धान प्रकृया अगाडि बढाइएको कास्की प्रहरीले जनाएको छ ।
