पोखरामा मोटरसाइकल चोरी गर्ने १ जना पक्राउ
पोखरा, १४ मंसिर/ पोखरामा मोटरसाइकल चोरी गर्ने १ जनालाई कास्की प्रहरीले पक्राउ गरेको छ । मंसिर ५ गते पोखराको चिप्लेढुंगामा पार्किङ गरी राखेको ग२३ प ९२०८ नम्बरको डुक मोटरसाइकल चोरी गरेको आरोपमा प्रहरीले पक्राउ गरेको हो ।
वडा प्रहरी कार्यालय बैदामबाट प्रहरी टोलीले पोखरा महानगरपालिका वडा नम्बर १७ डेभिजफल बस्ने २२ बर्षिया बिजय थापालाई पक्राउ गरेको हो ।
‘बिजय थापा’ नाम गरेको फेसबुक आईडिमा मोटरसाइकलका पार्टपुर्जा बिक्रीको लागि राखेको भेटिएको पछि प्रहरीले मंसिर १२ गते पक्राउ गरेको हो ।
सोधपुछ गर्दा ग २३ प ९२०८ नम्बरको मोटरसाइकल चोरी गरी केही पार्टपुर्जा आफ्नो ग१६ प १४६२ नम्बरको मोटरसाइकलमा राखेको र अन्य पार्टपुर्जा छुट्टाई पोखरा १७ घारीपाटन कोठा भाडामा लिई लुकाई राखेको प्रहरीले जानकारी दिएको छ ।
प्रहरीले सामान सहित पक्राउ गरी कास्की जिल्ला अदालतबाट चोरी तथा डाँका सम्बन्धी कसूरमा पाँच दिन म्याद थप गरी अनुसन्धान प्रकृया अगाडी बढाईएको जनाएको छ ।
