हिसानको निबन्ध लेखन प्रतियोगितामा मदरल्याण्डका सुयोग प्रथम
पोखरा, ११ मंसिर/ मदरल्याण्ड सेकेण्डरी स्कुलका सुयोग अधिकारी निबन्ध लेखन प्रतियोगितामा प्रथम भएका छन् । हिसान कास्कीले आयोजना गरेको अंग्रेजी तथा नेपाली निबन्ध लेखन प्रतियोगितामा अंग्रेजी विधातर्फ उनी प्रथम भएका हुन् । सुयोग कक्षा १२ का छात्र हुन् ।
१७ औं हिसान स्पोर्टस् मिट–२०८१ अन्तर्गत हिसानले गत ७ मंसिरमा सगरमाथा स्कुलमा m प्रतियोगिता आयोजना गरेको थियो । विजेतालाई मंगलबार पोखरा रंगशालामा आयोजित १७ औं हिसान स्पोर्टस् मिट उद्घाटनमा पुरस्कृत गरिएको हो ।
प्रतियोगितामा एक्स आर्मी पब्लिक सेकेण्डरी स्कुलका अंकित रानाभाट, ग्लोबल कलिजियटकी आकृति पौडेल र स्टेप बाई स्टेपका कमलबहादुर क्षेत्री दोस्रो भए । जुनियर सिटिजन्स एकेडेमीकी सुशानी रानाभाट तेस्रो तथा हिल पोइन्ट सेकेण्डरी स्कुलकी रिसिका बसेल सान्त्वना भइन् ।
नेपाली विधातर्फ प्रतिभा माविकी दीपाली भट्टराई प्रथम भइन् । करुणानिधि एजुकेसन फाउण्डेसनकी अञ्जना पौडेल दोस्रो, गुरुकुल विद्या सदनकी रेणु परियार तेस्रो तथा माउन्ट अन्नपूर्णकी पूर्णिमा गुरुङ सान्त्वना भए ।
गण्डकी प्रदेशका प्रदेश प्रमुख डिल्लीराज भट्टको उपस्थितिमा आयोजित उद्घाटन समारोहमा शिक्षा निर्देशनालय गण्डकीका महानिर्देशक अम्बिकाप्रसाद आचार्य लगायतले पुरस्कृत गरेका हुन् ।
