नेपाल फर्निचर फ्याक्ट्रको शाखा पोखरामा
पोखरा, ११ मंसिर/ नेपाल फर्निचर फ्याक्ट्रीले पोखरामा नयाँ शाखा विस्तार गरेको छ । काठमाडौं सहित ३ शहरमा शाखा रहेको फर्निचर फ्याक्ट्रीले चौथो शाखाको रुपमा पोखरा–५ पस्र्याङमा विस्तार गरेको हो ।
शाखाको उद्घाटन फ्याक्ट्रीका ब्रान्ड एम्बेष्डर अपिल त्रिपाठीले गरेका हुन् । यसअघि फ्याक्ट्रीको शाखा काठमाडौंसहित बुटवल र चिवतनमा थिए ।
एक करोड लगानी गरेर पोखरामा शाखा विस्तार गरिएको फ्याक्ट्रीका सञ्चालक सुजन अधिकारीले जानकारी दिए ।
स्वदेशी उत्पादन, नेपालमै बनेको सामग्री नेपाल फर्निचर फ्याक्ट्रीले पोखराका ग्राहकहरुलाई पनि विशेष सेवासुविधाका साथ उपलब्ध गराउने गरी शाखा विस्तार गरिएको सञ्चालक अधिकारीले बताए ।
फ्याक्ट्रीमा न्यूनदेखि उच्च मूल्यसम्मका गुणस्तरीय सोफा, बेड, टेबलहरु उपलब्ध हुने उनको भनाइ छ । ब्रान्ड एम्बेष्डर त्रिपाठीले प्रतिस्पधात्मक बजारमा आफुलाई खरो उतार्न सकोस् भन्ने शुभकामना व्यक्त गरे । गुणस्तरमा सम्झौता नगरी सुलभ मूल्यमा सामान उपलब्ध गराउने उनले आग्रह गरे ।
