पोखराको एसओएसका कीर्तन लामिछाने इन्जिनियरिङको प्रवेश परीक्षामा नेपाल टप
पोखरा, २३ भदौ/ पोखराको रामबजारस्थित एसओएस हर्मन माइनर स्कुल गण्डकीका विद्यार्थी कीर्तन लामिछानेले इन्जिनियरिङतर्फको प्रवेश परीक्षामा नेपाल टप गरेका छन् ।
त्रिभुवन विश्वविद्यालय इन्जिनियरिङ अध्ययन संस्थानद्वारा लिइएको प्रवेश परीक्षामा साढे ६ हजारभन्दा बढी विद्यार्थीलाई पछि पार्दै लामिछानेले नेपाल टप गरेको एसओएस गण्डकीका प्राचार्य चूडामणि सुवेदीले जानकारी दिए ।
कक्षा ११ र १२ मा अध्ययन गरेका थिए । कीर्तन लामिछानेका अतिरिक्त इन्जिनियरिङ अध्ययन संस्थानको प्रवेश परीक्षामा देशभरीबाट नाम निकाल्ने उत्कृष्ट २ हजार परीक्षार्थीभित्र एसओएस गण्डकीबाट मात्रै ३० जना विद्यार्थीहरू परेका विद्यालयले जानकारी दिए ।
चिकित्सा शास्त्रतर्फ स्नातक तहको एकीकृत प्रवेश परीक्षामा एसओएस गण्डकीबाट १३ जना विद्यार्थीले नाम निकालेका थिए । एसओएस गण्डकीबाट यस वर्षको एसइई परीक्षामा सचेत सुवेदीले ४ जिपिए प्राप्त गरेका थिए । त्यस्तै कक्षा १२ तर्फको बोर्ड परीक्षामा यसै वर्ष कुशल तिवारीले ३.९६ जिपिएसहित नेपाल टप गरे ।
